一到6月,就落雨濕濕,又痴又立
明明咁濕點解D皮膚都咁乾?又出晒粒粒?煩死人啦.....
因為前日一推出面膜就畀人賣晒,我諗大家都遇到梅雨季護膚問題,等小編同大家分享一下我嘅護膚心得啦.
雨季的4大皮膚煩惱
1. 青春豆
2. 皮膚暗啞
3.容易出油
4.皮膚乾燥
小篇就因為大汗又要帶口罩的關係,
搞到下巴生左好多粒粒.
我相信好多人都有呢個問題.
以下係我最近KEEP住做後情況就有所改善.
大家都可以參考下(^^)ノ
大家唔好以為最近香港濕度都係80％～99％就唔洗畀皮膚水分喎,呢個時候先唔可以懶.
因為我地成日出入冷氣地方,又開抽濕機....
咩水都流失晒啦.
首先我會係朝早洗完面後在用爽膚水上嘅技巧上改一改,我會先用化妝棉滴啲啲之後搽上面，之後再用手將爽膚水再搽多次上面。第二次用手上爽膚水呢個步驟係好重架，因為手有熱力，令皮膚特別容易吸收。有D人會一次用好多爽膚水，諗住多就可以保濕好D，其實要分兩次皮膚先會吸收到.
之後我就會用乳液，乳液係將水分鎖住.
防晒一定唔可以少，365日都唔可以偷懶，一定要搽，就算係屋企都要搽。唔搽你以後一定會後悔.
普通化妝，一可以除口罩時就一定要印乾汗同油分，之後噴上保濕水。
飲多D檸檬水,因為大量維他命C以防止皮膚暗啞.
返到屋企一定要卸妝同潔面,之後就做返保濕護膚程序.
如果有豆豆嘅地方搽返有茶樹精油成分嘅去喑瘡膏,防止佢發炎同埋去印.
瞓覺前敷返個面膜.
之後有機會再同大家分享下我嘅生活點滴呀.希望大家響呢個疫情下都可以健康快樂.
囗罩可以快遠離我地.
Comments